ديريك ديلان يرحب بكم

مرسل: **الخميس نوفمبر 08, 2012 11:08 pm**

فرحة عمر وأحلام
( باللهجة المحكية )

الجار بيلوّح للجار
أيمتا الرحيل ياجار ؟

وجارةَ تهمسْ للجارة
وجارة تاني بتغارْ

وشبْ بعدو بدلالو
وشيخ معتَّرْ ومحتارْ

وطفل صغير بدارو
تيصحى ومولاقي دارْ

وناسْ رايحة وناس جايْ
وحكي دايرْ ومندارْ

***
بيوت مرخَّصة للبيع
وبيوت موكله لتاني

بيوت بعدها خلصانهْ
وبيوت صارت عريانهْ

بيوت ياحسرتي قصورْ
متعوب عليها وحرزانهْ

بيوت ملفلفهْ بالهمْ
وبمصيرها مو دريانهْ

بيوت نقَّشها الغمْ
بنقشة ندم غلبانهْ

***
شقى العمر والسنين
محطوط بجنطة صغيرهْ

شقى العمر والسنين
رايحْ لغير ديرهْ

رايح لشخص نصَّاب
والرحمة بقلبو كتيرهْ

رحمة بقلب قصَّاب
هاجم عَكبشه كبيرهْ

بشقفة جواز مزوَّرْ
وكم كذبهْ وكم تعبيرهْ

وكم ألف وعد مضمون
وكم حلفهْ وكم تقديرهْ

***
تَيصورلن الجنّة
ويحكيلن عاللي فيها

ويطيّرهم بالأحلام
وينزّلهم بواديها

وبالطبع الجنة حلوهْ
ومابتغلى عا شاريها

حتى لو كان الثمن
شقى الدنيهْ وماضيها

***
وبعدْ مالطير يطيرْ
ويطيّر معهُ الأحلامْ

ويودّع عشّهُ الصغير
تا يعيشْ عَريشْ النعامْ

ويحلّق فوق الجنّة
ويغرّد أحلى الأنغامْ

تيهبط فجأة المسكين
ويلاقي نفسهُ قدّام

واقع مريرْ وأليمْ
والقصَّة كلها أوهامْ

لا جنّة وريش نعامْ
ولا فرحة عمر وأحلامْ
ولا فرحة عمر وأحلامْ
......................

فريد توما مراد
ستوكهولم – السويد
8-11-2012

[/size]

مرسل: **الجمعة نوفمبر 30, 2012 10:11 am**

سلام الرب معك
أشكرك على هذه القصيدة الرائعة
أنها تعبر عن مسيرة حياتنا إلى عالم مجهول
خيط بأبرة الكذب والنفاق وبخيوط الوهم
أجل بدلنا عشنا الصغير بقصر في الأحلام
وهناك مثل لم نعتبر منه بان ثوب العيرة ما بدفي
بركة الرب معك

مرسل: **الخميس سبتمبر 15, 2016 11:08 pm**

أشكرك على هذه القصيدة الجميلة
وفقك الله أخي القدير
نحن دائماً بإنتظار جديدك

ديريك ديلان يرحب بكم

فرحة عمر وأحلام . بقلم فريد توما مراد

فرحة عمر وأحلام . بقلم فريد توما مراد

Re: فرحة عمر وأحلام . بقلم فريد توما مراد

Re: فرحة عمر وأحلام . بقلم فريد توما مراد