قبّ الكاز و هبّ الغاز....مشحط كازك من سنتين
مرحـبـتـيـن بالمازوت....شعب معتر عم بموت
ضرب مرتب عم بفوت....طالع نازل مدري وين
قالو الـعـلّـة بالدولار....صرنا نصلي ليل نهار
سمعنا مبارح بالاخبار....سعرو ثابت من يومين
مرحبتـيـن شفـنا العز....الخصر الصامد عم بهز
رصاص يعلي رصاص يوز....الزوده كبيره يخزي العين
يلا قومو عالدبكه....و جيبو طبل و دربكه
خلي تخشخش هالفكه....بجيبه مقفوعه..قفعين
عقدنا الدبكه و نخينا....و تي رشرش غـنّـيـنـا
بزوده كبيره تهنينا....و عـبّـيـنـا مـنّـا شوالـيـن
مرحبتين آخ..و أخ....رفعلي راسك أوعى تنخ
بقرعة بـيّـك بدنا نشخّ....حتى نبارك هالعـيـنـيـن
مرحبتين بشهر الصوم....حتى نوفّر..صرنا نصوم
عمّا..نوفر حتى النوم....و النومة بعد..الـتـنـتـيـن
وفـر حتى بآهـاتـك....وفـر حتى بنبضاتك
و لو ضحكت حتى مراتك....طلقها..و ردّا..بعدين
بيع خواتك و تيابك....و تخلص من عذابك
و حتى تسكرلي حسابك....بيع ولادك....وفـي الدّيـن
مرحبتين مرحبتين....خسكارك نص فرنكين
ضب غراضك يا حبوب....بكرا بشوفك..بـ..بـرلـيـن
